IPHO South Cotabato ginlunsar ang Danggapanay sa COVID-19 counselling batok stress, anxiety kag iban pa nga mental health problem sa subong nga panahon.

Ginlunsar sang Integrated Provincial Health Office sang South Cotabato ang isa ka programa nga Danggapanay sa COVID-19 isa ka online counselling nga may katuyuan nga buligan ang katawhan agud nga malikawan ang stress kag indi maapektuhan ang mental health tungod sa ginapatuman nga community quarantine tuga sang COVID – 19 pandemic.
May-angot sini ginaawhag nila suno kay Health Education and Promotion Officer Hannah Ebeo ang tanan nga kon nasubuan ukon depressed, may anxiety, may kahadlok tungod sa COVID – 19 pandemic handa suno pa ang pamunuan sang IPHO nga mamati sang nabatyagan sa subong ukon hibubun-ot upod ang mga volunteer social workers, psychologist, spiritual leaders kag iban pa.
Suno kay Ebeo pwede lamang suno pa mag-text ukon magtawag sa 0966-739-4839 ukon 0907-061-1507 ukon buksan ang South Cotabato Integrated Provincial Health facebook page.
Samtang ginaadvice man sang pamunuan sang IPHO ang pagkaon sang masustansya nga pagkaon matapos nga kalabanan suno pa ang nagakaon sang mga pagkaon nga wala man sang mahatag nga bulig sa ikaayong lawas, isa na dire suno pa ang “chichirya” kag “fast food”.
Para mabuligan suno pa ang lawas kag paminsaron ilabi na gid kon na-“stress”, pilion gid ang mga pagkaon nga makahatag sang benepisyo sa lawas pareho sang mga prutas kag utan kag mag-inom gid sang madamo nga tubig.