IPHO South Cotabato nagsobra sa target sang mga kabataan nga mahatagan sang polio vaccine sa ginpatigayon nga Sabayang Patak kontra Polio sang Enero 20.

Nagsobra sa ila nga target ang Integrated Provincial Health Office sang South Cotabato sa ginpatigayon nga Sabayang Patak Kontra Polio sang Enero 20 tubtob Pebrero 2 tungod naglab-ot sa 97.69% nga ang target lamang ang 95% ukon 114,774 ka mga kabataan edad 0-59 ka bulan.
Ini matapos nga base sa datos sang IPHO pipila ka banwa ang nagsobra man sa ila nga target nga ang Banga ang may 99.87% accomplishment ukon 10,518 ka mga kabataan ang nahatagan sang polio vaccine, Koronadal City 21,943 ukon 100.3%, Lake Sebu 10,782 ukon 98.33%, Norala 5,921 ukon 101.24%, Polomolok 17,336 ukon 90.60%,Sto. Nino 5,125 ukon 99.81%, Surallah 10,458 ukon 98.65%, Tampakan 4,845 ukon 97.75%, Tantangan 4,877 ukon 89.94%, T`boli 11,659 ukon 101.67 % kag Tupi 8, 514 ukon 97.03%.
Samtang suno kay Dr. Rogelio Aturdido Jr., Provincial Health Officer sang South Cotabato nga indi matapos ang pagpatigayon nila sang Sabayang Patak Kontra Polio tungod may duha pa ka rounds sila nga ipatigayon sa Pebrero 17 tubtob Marso 2 kag Marso 23 tubtob Abril 4 subong nga tuig base sa ginhatag nga schedule sang Department of Health nga amo man ang ila ginapreparahan.