Ginpostpone sang Department of Education ukon Dep.Ed. 12 ang Socsargen Regional Athletic Association ukon SRAA meet nga imbes sa Pebrero 19 tubtob 23 ipatigayon na ini sa Marso 1 tubtob 5 subong nga tuig.
Suno kay Dep. Ed. 12 Information Officer Antonio Maganto ang nasambit nga tikang sang talatapan ang base naman sa ginpapanaug nga kamanduan ni Dep. Ed. Secretary Leonor Briones nga ipostponed ang tanan nga aktibidad subong nga bulan sang Pebrero tungod sa paandam sang 2019 novel coronavirus matapos nga may kaso na sang nasambit nga balatian sa Pilipinas.
Nahibaluan nga libo-libo ang mangin partisipante sang ipatigayon nga regional meet nga ang venue ang sa bahin sang General Santos City.
Samtang sa subong suno kay Maganto nagapabilin man nga tayuyon ang klase sa tanan nga eskwelahan sa rehiyon dose.
