IPHO South Cotabato padayon nga pagatutukan ang kaso sang tuberculosis, mobile free chest x-ray services magapadayon subong nga tuig.

Pagatutukan sang Integrated Provincial Health Office sang South Cotabato ang balatian nga tuberculosis dire sa probinsya tungod madamo sa gihapon suno pa ang kaso.
Suno kay Provincial Health Officer Dr. Rogelio Aturdido Jr., base sa ila ginpatigayon nga inisyatibo sang Disyembre sang nagligad nga tuig sa 100 nga ginpaidalom sa examination nagalab-ot sa 23 ang nagpositibo sa nasambit nga balatian.
Ginpahayag ni Dr. Aturdido nga ang tutok nila sa subong amo yadtong mga persona nga may direkta nga kontak sa may-yara sang balatian nga TB.
Magapadayon naman suno pa subong nga bulan ang ginapatigayon nga mobile free chest x-ray services sang IPHO sa mga high risk sa TB infections nga ang katuyuan mapabakod ang TB response kag gilayon nga madetect ang TB cases matapos nga target nila sini ang 5,000 benefeciaries dire sa South Cotabato.
Base sa datos sang talatapan yara na sa 1,500 ka mga benefeciaries ang nakaavail sang nasambit nga services nga gin-umpisahan sang bulan sang Disyembre 2019. Sakop naman sang mobile x-ray ang mga banwa sang Tboli, Sto. Nino, Lake Sebu, Koronadal City, Bjmp Region XII, South Cotabato Rehabilitation and Detention Center, Polomolok District Jail kag munisipyo sang Polomolok.