MAASIN, Iloilo – Nagapasalamat si Maasin Vice Mayor Francis Amboy sa kapulisan sa Iloilo Police Provincial Office (IPPO) kag Provincial Special Operating Group (PSOG) sa pagsunod sa rule of law sa pagserbe sang search warrant sa iya.
Sa interview sang RMN Iloilo, ginpahayag ni Amboy nga nagsulod ang raiding team sa ila balay alas 5:30 sa aga, Biernes, Setyembre 8.
Suno kay Amboy, upod niya sa balay ang iya asawa, 3 ka bata kag imbang sang ginconduct ang raid.
Nangin emosyunal si Amboy matapos nagnegatibo ang raid bangod base sa balita, masami nagakapatay ang subject sang raid.
“Sa mga balita nga nagakatabo subong… hindi gid madula nga amo na [mapatay] ang paminsaron mo… pero nagapasalamat ako sa kapulisan sa province nga sa ila pagsulod di sa akon, ginsunod gid nila ang proseso.”
Sa nasambit nga raid sang PSOG angot sa illegal firearms sa balay ni Amboy, wala sila sang may nakuha kag nangin negatibo ang ila operasyon.
