NIA pumping station sa Bit-os guba, kapin 1000 hectares basakan nangliki
Disperado karon ang mga mag-uuma sa humay sa southern ug western part sa dakbayan sa Butuan ug Agusan del Norte gumikan kay naughan ug nanliki na ang ilang mga basakan tungod sa kawalay tubig.
Pamahayag ni Francisco Norberte, Jr., Pangulo sa Farmer’s Association, ang nahitabo karon isig paningkamot na ang mag-uuma nga makatubig gumikan kay mag usa na ka buwan nga naughan ang ilang basakan.
Niya pa, adunay mga tanom nilang humay nga mi-dalag na gumikan sa kawalay tubig human nasunog ang pumping station sa National Irrigation System sa Brgy . Bit-os ning dakbayan sa Butuan.
Si Francisco Norberto, Jr., Pangulo sa Farmer’s Association sa interview sa RMN DXBC Butuan kinsa nanag-iya ug kapin usa ka ektaryang basakan sa Barangay San Vicente.
Madumduman nga una nang gikabutyag nga basi sa datos, mokabat sa 1,046.58 ka ektaryang basakan ang na apektohan tungod sa pagkadaut sa mga pasilidad kansa gibana – banang moabot sa 60 milyon pesos ang damyos.
Sa kasamtangan temporary non-operational sa gihapon ang Bit-os Pumping Station.
Sumala pa sa NIA Caraga nga sa 3rd quarter pa sa 2020 maabot ang budget arun sa pagpaayo niini (with report jefrey cloribel).
