General Santos City—Mireklamo sa buhatan sa Police Station 4 ang usa ka Irish National human kining gikulata sa iyang pinay nga asawa alas 12:00 ang takna sa tungang gabie.
Subay sa sumbong sa Irish National nga itago lang sa pangalang alias James, legal age, residenti sa Barangay City Heights, sakay sila sa ilang sakyan sa iyang asawa pauli na sa ilang panimalay.
Pag-abot sa may aparente St., Barangay City Heights kalit lang nga nasuko ang iyang asawa gumikan matud pa sa nadiskobrehan niining txt sa cellphone sa biktima gikan sa usa ka babaye.
Didto na kini gidabo-dabohan ug sunbag sa iyang misis sa nawong nga bahin hinungdan nga nakaangkon kini ug bun-og.
Tungod sa tumang kahiubos, nagpablotter nalang sa kapulisan ang maong Irish National batok sa iyang asawa.Wala hinuon gibutyag sa reklamante kung iyang pasakaan ug kaso ang iyang misis.
