Andam nga mopasaka ug kaso ang animal welfare advocate nga Island Rescue Organization kon IRO batok sa usa ka pulis nga namusil ug iro didto sa lungsod sa Santander .
Ang president sa IRO nga si Analyn Aysporo nibutyag nga kalapasan sa balaud ang gibuhat sa pulis nga si PO2 Richard Cavalida human niya pusila ang iro nga namaghot ngadto kaniya bisan kung ang iyang rason mao nga nahadlok siyang paakon.
Matud ni Aysporo bisan ug nagkahusay na si Cavalida ug ang tag-iya sa iro nga si Jenelyn Rusiana bahin sa nahitabo apan andam gihapon silang mopasaka ug kaso batok ni Cavalida .
Makigkita ang mga sakop sa IRO ngadto sa usa ka residente sa Barangay Talisay Santander nga nakakuha ug hulagway sa namatay nga iro , aron makahipos ug ebdiensiya batok ni Cavalida .
Nahitabo ang insidente niadtong Pebrero 16 , apan pagkaugma na nakit-an ang iro nga wa nay kinabuhi ug dunay samad pinusilan sa kilid niini .
Ang tag-iya sa iro nga dili na mopasaka ug kaso human nangayo ug pasaylo kanila ang pulis .
