Davao City – Ginaproseso na sa Davao City Social Welfare and Development Office (CSWDO) ang pagkompleto sa Implementing Rules and Regulation (IRR) alang sa Solo Parent Ordinance.
Ang maong ordinansa pasado na sa ikatulo ug ulahing pagbasa sa 20th Davao City Council niadtong Enero ning tuiga.
Sumala pa kang CSWDO Social Welfare Operation Division Acting Division Head Epifania Sagayno nga nagplastar nalang sila sa mga guidelines aron kini maimplementa na.
Atol sa Aprubado sa Konseho media forum, gipasabot ni Davao City Councilor Pilar Braga nga ang solo parent mamahimong babae o lalaki kinsa nag inusarang nagbuhi sa ilang mga anak.
Base sa nakalatid sa balaod, ang solo parent nga adunay kita nga minimum wage ug ubos pa, makadawat og P1,000 monthly monetary subsidy.
Gani sa karon, aduna nay kapin 3,000 na ka eligible solo parents ang anaa sa listahan sa CSWDO.
RadyoMaN Ivy Parido
Facebook Comments
