Padajon na tag imbestigahan kuman sa mga otoridad an pagbuno-patay sa isa ka 22 anyos na babaje na inkilay an na isa ka Anie Rose Villamor Go , lomolopyo nan Purok Kalipayan, Silay Hills, Barangay Taft Surigao City. Sa inisyal na imbestigasyon nan mga otoridad,an pagbuno patay nahitabo alas 5:05 sa hapon kagahapon , Agosto31,2017 samtang an biktima mipauli na gikan sa ija pamisita sa napriso na kalive-in partner sa Surigao City Jail sa Brgy, Silop .Sumaya pa na samtang nagbaktas an biktima nasugat nan ini an duha ka mga suspetsado na nakataptap an mga wayung,dajon tagbuno sa makadaghan na higayon an biktima ,rason sa ija hinanali na kamatayon.Padajon pa kuman na tagpangita sa mga otoridad an mga suspetsado na miikyas human sa paghimo sa krimen.
