Ginpa-balik sang Sanguni-ang Panlungsod sa Barangay Council sang Barangay Handuman ang ila nga ordinansa nga nagahatag sang penalidad sa mga taga-tsismis ukon naga-kutso kutso sa ila barangay.
Nahibalu-an nga may yara sang aprubado nga ordinance ang Barangay Handumanan angot sa paghatag sang penalidad sa isa ka persona ukon isa ka grupo nga nagapalapta sang tsismis ukon malain nga sugilnaon sa ila nga komunidad.
Base sa barangay ordinance 2019-09-06 ukon ang Anti Tsismis Ordinance – ang pagpalapta sang kutso-kutso sa isig-katawo ang sa masami rason sang lalisay kag inaway sa barangay.
Apisar nga arpubado na ang amo nga ordinansa sang Barangay Council sang Barangay Handumanan, INDI pa ini mangin epektibo kon wala na-aprubahan kag na-review sang SP.
Sa regular session sang City Council kahapon, ginapa-klaro sang mga konsehal sa Barangay Handumanan kon ano ang specific nga mga ‘tsismis’ nga mahimo mahatagan sang penalidad kag ano ang penalty nga ihatag sa mga nadakpan nga naga-kutso kutso.
Sa interview sang RMN-DYHB sa Liga ng mga Barangay President – Lady Gles Gonzales (Taculing) nga 80 porsyento sang mga away nga ila gina-settle sa barangay ang tuga gid man sang tsismis.
