Isa ka COVID positive patient ginaalegar naglumpat sa West Tower sang Regional Hospital

22
BACOLOD CITY – Patay ang isa ka COVID patient matapos ginaalegar ini ang naglumpat halin sa 5th floor sang COVID ward sa West Tower sang Corazon Locsin Montelibano Memorial Regional Hospital (CLMMRH) sa ciudad sang Bacolod pasado las-12:00, Lunes sang udto (January 24, 2022).

Sa interview sang DYHB sa station commander sang Bacolod City Police Station, P/Capt. Paul Vincent Pendon, ang biktima isa ka lalaki, senior citizen, residente sang Barangay Estefania, Bacolod City.

Suno kay Pendon, isa sa ginalantaw nga rason kon nga-a naglumpat ang biktima amo nga ini ang nag-angkon sang depression.

Ginpahayag nga nagtupa sa atop sang water treatment facility ang biktima sang ini ang naglumpat kon diin ini ang nag-angkon sang bali-bali sa iya tiil kag napatay.

Base pa sa impormasyon, ang pasyente na-admit sa COVID ward sang amo nga ospital humalin sadtong January 21, 2022.

Facebook Comments