Isa ka Ginang sa Barotac Viejo, nagbun-ag sang Kapid nga wala makahibalo nga kapid ang ginabusong kag wala man sang nabatyagan nga sakit magluwas sa ka-ihion

3324

Isa ka 27 anyos nga ginang gikan sa Barangay San Antonio, Barotac Viejo, Iloilo ang nagbun-ag apisar wala man nakabatyag sang sakit kundi palangihion gid lamang ang iya nabatyagan.

Magluwas diri, wala man makahibalo ang nasambit nga Misis nga kapid ang iya ginabusong.

Ginpahayag nga mga alas 7 kahapon sang aga samtang nagalakat sa dalan ang ginang sang makabatyag sang ilihion kag sang hana ini nga mangihi, nahulog na lamang sa duta ang una nga lapsag kag pagkatapos may nakita pa gid nga nagalaylay nga isa pa lapsag.

Bangud sini, gindala ang natungdan nga ginang sa Rural Health Unit kag ginsaylo sa Barotac Viejo District Hospital kag yara na sa maayo nga kahimtangan ang kapid nga lunsay babaye.

Ginsabat naman ni Mayor Bing Tupas ang hepa vaccine sang kapid matapos nagpangayo sang bulig sa iya ang pamilya sang babaye.

Samtang posible nga kaslon na gid lamang ni mayor Tupas ang babaye kag bana sini nga nagaupod nga wala pa makasal.

(c) web photo

Facebook Comments