NEGROS OCCIDENTAL – “Allow everybody to vote freely.” Ini ang prangka nga ginsiling ni Pang. Rodrigo Duterte sa isa ka mayor sa Negros Occidental nga suno sa iya, ginakabig sang tanan nga suspek.
Sa iya pagpamulong pulong sa ginpatigayon nga campaign rally sa Bohol kagab-I, ginsiling sang pangulo nga sa iya pag-abot sa Negros, iya nasugilanon ang amo nga mayor (wala niya ginhingadlan) kag ini ang iya gin-prangka nga kon maghimo ini sang mga problema sa pumuluyo, makita gid sang iya kaugalingon ang “ultimate solution.”
Suno pa kay Pres. Duterte nga iya ginhambalan ang amo nga mayor nga mag-halong kag hatagan sang kahigayunan ang tanan nga pumuluyo sa iya banwa nga maka-boto sang hilway bangud isa ini ka demokrasya kag pag-exercise sang kinamatarong sang isa ka tawo nga magpili sang ila naluyagan nga lider.
Pahayag pa sang presidente nga dapat sundon sang amo nga mayor ang mandatu sang constitution.
Siling sang pangulo nga apesar supporter niya ang amo nga mayor, dapat niya ini gihapon nga hatagan sang warning kag wala siya nakahibalo kon bala matapos sang ila sugilanon, mag-abyan pa sila gihapon sang amo nga mayor.
Madumduman nga nagpadulong sa Moises Padilla si Pres. Duterte kahapon agud pangunahan ang isa ka command conference upod sa Philippine Army kag PNP sa amo nga banwa.
|web photo
