Ginahingyo karon sang konseho sang Dumaguete City kay Mayor Felipe Antonio Remollo nga magtanyag sang 1 million pesos nga reward sa makatudlo sa suspek nga nagpatay sa isa ka radio anchor sadtong Martes kag sang iban pa nga media practitioners.
Sa regular session sang konseho sang Dumaguete, ila ginpasar ang isa ka resolusyon nga indi lamang para sa mga media practitioners kundi subong man para i-garantiya ang freedom of speech kag freedom of the press.
Madumduman nga ang biktima nga si Cornelio Pepino, ukon mas kilala bilang si Rex Cornelio, isa ka reporter/achor sang DYMD ang gintiro patay sang duha ka suspek nga nagasakay sa motor sa national highway sa Brgy. Daro, Dumaguete City pasado las 8 sang gab-i sang Martes.
Nagalaum ang konseho nga pinaagi sa amo nga resolusyon mahatagan hustisya ang kamatayon ni Pepino kag sang duha ka iban pa gid nga mga radio broadcasters nga ginpatay man nga sanday Edmund Sestoso kag Dindo Generoso.
[image: image.png]
