President Roxas, Capiz- Madinalag-on nga naserbe sang mga katapo sang President Roxas PNP Pontevedra PNP kag Pilar PNP ang isa ka search warrant kontra sa isa ka persona sa Poblacion, President Roxas, Capiz. Ang subject person ang nakilala kay Mark Dolorfino y Buenafe, 38-anyos sang Sitio Elizalde, Barangay Poblacion, President Roxas, Capiz kun sa diin ang search warrant ang pirmado kag ginpapanaog sa sala ni HON.IGNACIO L ALAJAR,Presiding Judge sang RTC 6, Branch 18, Roxas City, Capiz. Natigayon nga marekober sang mga otoridad sa poluy-an sang suspek ang siyam (9) ka bilog sang heat sealed plastic sachet nga ginapatihan may unod nga suspected shabu, isa ka white crystalline substance nga wala na mabutang sa plastic kag may estimated nga P100, 000 pesos nga street value, cash nga P61,659 pesos kag iban pa nga mga drug paraphernalia. Narekober man sa ginpatigayon nga paghalughog ang isa ka unit sang Cal .45 Pistol Para Ordinance nga may yara sang Magazine kag pito ka mga bala. Ang mga narekober nga items kag ebidensya ang natalana nga igasumiter sa PNP Crime Laboratory 6 para sa nagakaigo nga eksaminasyon samtang ang subject person ang igapaidalom naman sa drug test examination. Ginpahayag sang hepe sang President Roxas PNP nga si Police Captain HILBERT GERVERO nga makapila ka beses nila nga ginpaidalom sa testbuy ang amo nga persona antes nga gin-kuhaan sang search warrant.
📷 Punong Barangay Jeffrey Dela Cruz
