Jamindan, Capiz- Pilason ang isa ka persona sa Brgy Jaena Norte banwa sang Jamindan makaligad ini ang ginsulod kag ginluthang sa mismo poluy-an sini pasado alas siete sang gab-i.
Nakilala ang biktima kay Berlito Villasis Jr, 41-anyos ang pang-edaron kun sa diin nag-angkon sang duha ka mga pilas sa iya likod.
Suno sa imbestigasyon sang kapulisan, yara sa sulod sang ila poluy-an ang biktima sang ini ang ginsulod sang suspek nga nakasuksok sang helmet kag naka-jacket kag ini ang ginluthang.
Narekober sang mga kapulisan ang duha ka baseyo sang ginapahayag iya sang .45 caliber pistol samtang madasig nga nagpalagyo ang wala makilala nga suspek.
Pagtimalos ang ginasunod sang kapulisan nga motibo sang krimen.
Samtang base sa impormasyon, ginluthang man sang wala pa makilala nga suspek ang duha ka mga alaga nga karabaw sang biktima.
