Ginbawian sang kabuhi ang isa ka preso sang South Cotabato Provincial Jail matapos makaangkon sang pilas tuga sang pagpamuno sa kaupod sini nga preso alas 10:30 kaina sang aga, Marso 21,2020.
Sa interview sang RMN Koronadal kay South Cotabato OIC Provincial Jail Warden Felicito Gumapac nagkinagamo ang mga preso sa sulod bangud lamang sa napikon ang pihak nga grupo sang mga preso sang magbuhi sang tinaga ang isa ka tribo nga si Randy Austria, “hadlok kamo sa mga b’laan haw” didto na kag nagpalag ang grupo sang mga ilonggo.
Bangud sa insidente, pilason ang apat ka preso kag tigayon nga gindala sa South Cotabato Provincial Hospital, apang wala nakalampuwas si Randy Austria kag ginbawian gid sang kabuhi.
Samtang padayon naman nga ginapaidalom sa medikasyon ang tatlo sini ka kaupdanan.
Dugang pa ni Warden Gumapac nga naakig suno pa ang grupo ni Jeoffrey Cielo assistant leader sang Selda 20 bangud ginsita sila sang grupo sang Selda 11.
Apang naistoryahn na ini kag nasettle na ang duha ka grupo, apang ang grupo ni Austria suno kay Warden Gumapac nagsinggit pa sa grupo sang selda 20 nga wala naman sang labot sa kinagamo.
Gin-agyan lang sang grupo selda 20 ang biktima kag ginbuno sa diin apat ang pilason.
Sa subong gindisiplina na ang mga suspek kag posible magaatubang sang panibag-o nga kaso.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
