Ginpasarad-an sang Bureu of Internal Revenue ukon BIR 12 ang Maunlad Shopping Plaza sa banwa sang Surallah, South Cotabato kahapon nga adlaw sa ginpatigayon nga Oplan Kandado operation sang ahensya tungod sa indi tama nga pagbayad sang buwis matapos sang ginhimo nga pagmaniobra.
Suno kay BIR 111 District Officer Noel Gonzales duha ang nangin bayolasyon sang nasambit nga establishemento nga amo ang under declared sales kag paggamit sang sales suppression software.
Samtang ginahatagan sang lima ka adlaw ang nasambit nga establishemento agud nga makaoperate paagi sa pagbayad sang ila masobra P33.2 million tax liability.
Ginpahayag man ni Gonzales nga nag-agi man sa proseso ang pagpasarado nila sa nasambit nga establishemento.
Ginkumpirmar niya man nga may-yara pa sang masunod nga establishemento ang ila nga ikandado.
Madumduman nga nauna na nga ginpasarado sang BIR sa syudad sang Koronadal ang Flying V gasoline station tungod wala nakabayad sang tama nga buwis kag sa subong nakaoperate naman matapos nga nagbayad.
