Roxas City, Capiz – Isa ang kritikal samtang isa naman ang padayon nga ginabulong sa ospital matapos ang bunggoanay sang duha ka mga motorsiklo pasado alas sais sang gab-i sa national highway sa Brgy Cabugao Roxas City.
Ginkilala ang mga biktima nga amu sanday Kurt Pemintel y Gonzales, 19-anyos sang Brgy Banica Roxas kag Jhay- Ar Maningula y Gonzales, 24-anyos sang Brgy Daanbanwa Tapaz.
Samtang nag-angkon man sang minor nga mga kapilasan sa lawas ang nakabunggan sang mga ini nga ginkilala kanday Gilbert Gomez y De Jose, 19-anyos kag Vic Gomez y Yabut nga lunsay mga residente sang Balete, Aklan.
Suno sa inisyal ng imbestigasyon sang traffic section sang Roxas City PNP, nag-overtake ang motorsiklo nga ginasakyan nanday Kurt Pemintel apang wala makontrol ang manibela kag aksidente nga nabunggoan ang motorsiklo nga ginasakyan nanday Gilbert kag Vic Gomez.
