Bacolod City – Bangod sa mabalod nga baybayon sang Negros kag Guimaras kanselado ang byahe sang duha ka mga fastcraft halin sa Bacolod-Iloilo vice-versa.
Ang Supercat kag Ocean Jet ang wala sang byahe duha na kaadlaw umpisa kahapon samtang ang Weesam Express lang ang nagabyahe.
Duha gid lamang sila ka trip kada adlaw sa diin ginalauman naman ang pagdagsa sang pasahero buwas sa highlight sang Bacolod Masskara 2017.
Magluwas dira regular naman ang byahe sang Ro-Ro padulong sa Dumangas Port kag Supercat halin sa Banago Port.
Ginpahayag ni Lt. Senior Grade Officer Jimmy Oliver Vingno sang Philippine Coastguard nga kanselado sa gihapon ang byahe sang mga sakayan padulong sa Guimaras, Ajuy, Iloilo kag Bantayan Island lakip man Ro-Ro padulong sa Cebu bangod sa mabaskog nga hangin nga nagtuga sang mabalod nga kadagatan.
Ang gale warning sang Pagasa naghatag sang mando sa Philippine Coast nga ang mga barko nga 250 gross tonnage panubo ang indi mahimo makapalawod.
