Priso ang isa ka lalaki sang nabungguan sang iya ginamaneho nga truck ang duha ka babaye sa banwa sang Moises Padilla sa diin isa ang patay, kag isa man ang pilason kahapon.
Pasado ala-una kahapon sang nagluntad ang aksidente sa Poblacion 1 sa diin nabungguan sang truck nga ginamaneho ni Baltazar Dalmacio, 25-anyos sang Brgy. Magallon-Cadre ang mga biktima.
Ang mga biktima nakilala nga sanday Annarista Rusi, 59-anyos sang Brgy. Odiong nga amo ang napatay kag si Virginia Ignacio, 61, nga nagapabilin naman sa ISabela District hospital.
Santo sa imbestigasyon ni Police Staff Master Sergeant Abraham Roca sang Moises Padilla Municipal Police Station, nagluntad ang aksidente matapos nga gasolinador sang truck ang nalapakan ni Dalmacio sa baylo nga preno.
Nahibaluan nga si Dalmacio ang helper sa baligyaan sang bubod sa banwa kag ginsugo sila sang ila amo nga mag-ula sang basura, apang nagbulos ini sa professional driver sang truck nga si George Badayan.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
