ISA SA DUHA KA MISSING NGA GIN-ANUD SANG BAHA SA BATO TARAW FALLS SA SAN REMEGIO, ANTIQUE, NAKITA NA.

Nakita na ang isa sa duha ka missing sa nagluntad nga gulpiyada nga pagbaha sang Domingo nga adlaw sa Bato Taraw falls sa barangay Trinidad, San Remegio Antique.
Sa report sang San Remegio Municipal Disaster Risk Reduction and Management Office, alas 4 kaina sang hapon (Mayo 20) nakit-an ang bangkay sa Suba sang Lagasyanan sa Barangar Trinidad, san Remegio, Antique.
Ginkilala ang nasapwan nga bangkay nga amo si Mary Adela Jayme, 27 anyos sang barangay Malaiba, San Jose Antique.
Nagapabilin naman nga missing ang isa pa nga si alyas Godong Valensosa.
Madumduman nga nagpaligo sa busay ang lima ka magbarkada sa Bato taraw Falls sang gulpi lang nga nag-ulan kag nagdaludo ang tubig baha kabangdanan nga naanod ang mga ini.