Isa sa ginatudlo sa likod sang rice investment scam nagpasalig ibalik ang kwarta sang mga investors

43

Nagpasalig ang isa sa ginatudlo sa likod sang rice investment scam sa Bacolod kag Negros Occidental nga ibalik nila ang kwarta sang ila mga investors.


Sa eksklusibo nga interview sang DYHB kay Krizia Gonzaga nga upod ni Jennifer Neirves sa gina-alegar rice investment scam, ginpahayag sini nga indi scam ang natabo bangud lehitimo siya nga nagsugod sa pagbaligya sang bugas apang may mga problema lang nga wala nila na-antisipar kag wala nila gin-plano ang tanan.

Indi man sini luyag tawgon nga suspek ukon utok sang alleged scam ang iya abyan nga si Nierves kag ginapasalig sini nga sa husto nga tion, magaguwa sila nga duha.

Ginapasalig man ni Gonzaga, nga maga-aregluhanay sila sang mga investors kag mabalik ang ila nga kwarta.

Ginapahayag nga may mga “downlines” pa ang mga investors sa diin pila diri ang mga Overseas Filipino Workers (OFW).

Apang suno kay Gonzaga, wala siya sang OFW nga “downlines” kag personal man ini nga nag-atubang sa isa sa mga gina-alegar biktima sang scam nga si Mia Yosores kaina sang aga.

[image: image.png]




Facebook Comments