Ginkumpirmar sang hepe sang Candoni Municipal Police Station nga sa ila assigned ang pulis sa Negros Occidental nga isa sa lima ka mga nagpositibo sa drug test nga ginpatigayon sang Police Regional Office (PRO) 6 sa una nga mga semana sini nga Disyembre.
Ginpahayag sa DYHB ni Police Captain Junji Liba, hepe sang Candoni MPS, may ranggo nga staff sergeant ang nasambit nga police officer kag assigned ini sa ila nga traffic section apang miembro man sang ila drug enforcement unit.
Ang lima ka mga pulis ang nagpositibo man sa confirmatory test kag sila ang ginhatagan sang 15 ka adlaw agud nga i-challenge ang resulta. Sila karun ang naka-hold sa Regional Personnel Holding and Accounting Unit ukon RPHAU.
[image: image.png]
Facebook Comments
