SAGAY CITY, NEGROS OCCIDENTAL – (UPDATE) Natumod na ang ngalan sang isa sa lima ka mga ginatudlo suspek sa natabo nga massacre sa Sagay City sadtong nagligad nga Sabado sang gab-i.
Suno kay PCSupt. John Bulalacao, nga ini ang ginpahayag sang gina-uyatan nila karon nga witness sang natabo ang mass killing nga nagtuga sang kamatayon sang 9 ka mga mangunguma nga katapo sang National Federation of Sugarcane Workers, NFSW kag ila mga himata.
Ginpahayag sang pulis nga base sa pahayag sang witness, lima ka armado nga tawo ang may kahimuan sang krimen kon diin may ngalan siya sang isa sa mga ini.
Wala labot diri, ginakabig naman karon sang pulis nga suspek ang duha ka mga survivors ukon nakasalbar sa massacre matapos ang pagpadalum sa imbestigasyon./dyHB BACOLOD
