Manila, Philippines – Patay ang isang tricycle driver matapos pagbabarilin ng hindi nakilalang mga suspek sa tapat ng Agora Market sa N. Naval Street Brgy. North Bay Blvd.South Navotas City.
Kinilala ang biktima na si Armando Cedro 46 anyos residente sa N. Naval Street NBBS Navotas City.
Batay sa imbestigasyon sa pulisya nakita ng mga nakasaksi na naglalaro lamang ng pool ang biktima nang lapitan siya ng tatlo hanggang apat na mga kalalakihan na nakasuot ng bonnet at sakay ng dalawang motorsiklo at walong putok umano ng baril ang kanilang narinig.
Nagtamo ng tama ng bala ng baril sa ulo ang biktima na siyang ikinamatay.
Batay naman sa pahayag ng kapatid ng biktima na si Sonny Cedro hindi man niya personal na nakikitang gumagamit ng ilegal droga ang kapatid pero dahil sa Baranggay worker siya ay nakakatanggap siya ng impormasyon na adik sa shabu ang kanyang kapatid.
Dagdag pa ni Sonny Cedro na matagal na niyang pinagsasabihan ang napatay na kapatid na tumigil na sa paggamit ng shabu pero hindi siya pinapansin at pabalal pa umano siyang sinasagot ng kapatid na napaslang.
Facebook Comments
