Lima ka boxes sang isda nga ginapahayag nakuha pinaagi sa dinamita ang nakumpiskar sang mga katapo sang Bureau of Fisheries and Aquatic Resources (BFAR) Region 6 kag Philippine Coast Guard (PCG) sa bagsakan sa Sitio Sibucao, Brgy. Banago ciudad sang Bacolod, las-2:38 kaina sang kaagahon.
Ginpatigayon ang operasyon sang gintingob nga pwersa sang BFAR kag PCG kasunod sang report gikan sa isa ka persona sa Cadiz City tuhoy sa gina-alegar baligyaanay sang isda sa lugar nga nakuha paagi sa dynamite fishing. Lima ka boxes sang yellow tail scad ukon Bagudlong ang gin-inspection sang mga otoridad kag ini ang nakumpirmar nga nakuha paagi sa dinamita kag gilayon nga gindakop ang tag-iya nga si Anmer Jimenez Dioso, 44-anyos, kasado kag residente sang Sitio. Tapon, Pandanan, Sagay City, Negros Occidental.
Si Dioso ang magapangatubang sang kaso nga paglapas sa Section 2 sang Republic Act No. 8550 ukon “The Philippine Fisheries Code of 1998”.Ginturn-over naman ang nakumpiskar nga isda sa Holy Family Homes, Inc. sa Brgy. Cabug, Bacolod City para sa nagakaigo nga disposisyon.
[image: image.png]
