Island hopping sang pamilya, natapos sa trahedya matapos isa ang napatay sang nagkapan ang ginasakyan nga motorbanca

1742

Carles, Iloilo – Isa ang patay matapos nagkapan ang motorbanca sa Carles , Iloilo kagab-i, Hunyo 19.

Suno kay Police Staff Sergeant Alexis Batada sang Carles MPS, 21 ang sakay sang motorbanca nga lunsay magpamilya .


Halin ang mga ini sa Kawayan, Masbate kag nagpadulong sa Isla de gigantes sa Carles agud mag-island hopping .

Apang sang papuli na ang mga biktima sa Masbate mga alas 9:00 kagab-i, hinali lang nga nagkulob ang motorbanca nga ginasakyan sang mga biktima 500 metros ang kalayuon halin sa resort nga ila gindayunan sa Brgy. Gabi , Carles.

Nakalangoy kag natigayon nga ma-rescue sang duha ka naglabay nga sakayan ang mga sakay sang motorbanca magluwas kay Carmelita Narcisa, 83 anyos nga nalumos kag ginbawian gid sang kabuhi.

(photo from the web/ not the actual photo)

Facebook Comments

From Advertisers