General Santos City— Adunay posibleng epekto ngadto sa pagdumala Ni Police Senior Superintendent Romeo Ruel Berango, acting city director ang alegasyong aduna siya’y kulukadidang.
Apan gibutyag ni Gensan City Mayor Ronnel Rivera nga ayha pa man milingkod si Col. Berango isip labaw sa Gensan City Police Office aduna na’y daghan nga mga isyung ug mga kontrobersiyang gibato kaniya.
Pagpaklaro ni Mayor Rivera Nga performance ni Col. Berango ang iyahang ginatan-aw sama nalang sa paghupot sa maong posisyon ug kung gina-unsa niya pagpatuman ang mga inisyatibo sa LGU kalabot sa peace and order.
Dugang pamahayag ni Mayor Rivera nga dili una siya magpasilabot sa maong isyu batok kang Col. Berango gumikan ang Police Regional Office 12 maoy angayan nga mag-imbestiga niini, kung adunay epekto sa pagpadagan sa GSCPO ang maong isyu gumikan aduna matud pay kaugalingong palisiya nga ginapatuman ang kapulisan.
Sa kabahin matud pa sa lokal nga panggamhanan, ang ilaha lang ginahimo mao ang pagpalambo ug pagpakusog sa maayong relasyon sa kapulisan ug uban pang ahensya sama sa joint task force ug mga foce multipliers.
Kalabot niini, gibutyag ni Mayor Rivera nga dili maka-apekto ang maong mga alegasyon sa iyahang pagpili kang Col. Berango isip permanenteng City Director sa GSCPO.
Pamahayag niya nga hatagan ug tsansa nga maka-explain si Col. Berango sa iyahang kabahin ug dili gilayong mamaniaw sa unsa mang akusasyon batok kaniya.
