> JUST IN! Kanhi hepe nan City Civil Registrar Manuel Edera tagkadismaya na 4 ka adlaw na wayay display sa isda ug iban na marine products suyod sa Merkado Publiko. Tagtudlo na morag economic sabotage ba an taghimo. Sa habig sa Fish Section pinaagi sa Presidente na si Adilo Lopez tagpaklaro na may ila supplay sa isda,waya lamang idisplay kay dili nila mabaligya kay alkanse, mahal an ila kumprada. Dugang pa, nahadlok sila na kon magbaligya nan sobra sa price ceiling basin pahamtangan nan multa na tag-P2,000 sa paglapas sa City Ordinance 399. Isa sa mga konsumante mitambong sa hearing an mihangyo sa mga Fish Vendors na wayay isagol na formalin para presko tan-awon an mga isda. May tubag an mga mamaligyaay na waya nila himoa an pagbutang nan formalin o food coloring kay may dagko na multa isab na tagpatuman an mga madakpan. Kuman hapon lain na tigom an ipatawag sa Sangguniang Panlungsod sa iban na grupo sa pagtuki dugang sa ini na isyu. > > > > >
