General Santos City—Gitubag ni Lito Esclamado, tigdumala sa Gensan City Public Market ang reklamo sa pipila ka mga concern Citizen kalabutan sa kabaho sa merkado publiko sa Gensan.
Sumala ni Esclamado nga iya nang gimanduan ang tanang mga vendors sa merkado publiko nga manghinlo sa ilang mga pwesto aron nga dili mubaho ang ilang palibot.
Nasayran nga una nang gipaabot sa pipila ka mga reklamante sa sibyahanan sa RMN Gensan ang dili na maagwanta matud pa nga baho nga musugat sa mga market goers.
Gibutyag usab ni Esclamado nga adunay mga higayon nga madelatar ang pagkuha sa basura sa merkado publiko nga maoy usa sa mga hinungdan sa pagalisngaw sa baho nga mga basura.
Kini nahitabo panahon nga guba ang sakyanang gakuha ug basura sa Gensan City Public Market.
Apan sumala ni Esclamado nga sa sunod nga mga bulan posibling dili na nila kini masinatian tungod nag request na sila ug laing Compactor sa buhatan ni Gensan City Mayor Ronnel Rivera sarang nga ilang magamit sa paghipos sa ilang mga basura.
