Ginhatagan pagtamod ni Bacolod Lone District Congressman Greg Gasataya nga indi ini ang husto nga tion agud hambalan ang eleksyon kag pag-ilis sang konstitusyon sang Pilipinas.
Ini ang pahayag ni Congressman Gasataya sa DYHB, kasunod sang mga balita nga may yara sang mga kongresista nga nagatuyo magpasar sang mga hagna nga ipaiway ang 2022 elections kag amyendaran ang konstitusyon.
Suno kay Gasataya, sa social media lang niya nabasahan ang isyu sa pagpaiway sang masunod nga eleksyon kag may ideya siya sang lihok sang League of Municipalities of the Philippines (LMP) para sa charter change. Dugang pa sang kongresista, madugay na ang isyu sa charter change, apang dapat coronavirus pandemic ang dapat tutukan sa karun.
Sa pihak nga bahin, ginpahayag ni Gasataya nga ginatugyan na niya sa city government sang Bacolod ang inisyatibo sa pag-proseso sa Department of Health (DOH) agud mahimo nga quarantine facility ang Regional Evacuation Center nga nahamtang sa Brgy. Vista Alegre.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
