iFM Laoag – Maprespreserbaran ti maysa a waterfalls a masarakan iti Sitio Barangobong, Brgy. 23 Dipilat, Vintar, Ilocos Norte.
Daytoy ket kalpasan ti pannakadiskubre dagiti umili ti maawagan nga “Encantadora Falls”, ta agsipud idi layus nga intuyang ti bagyo nga Ineng idi bulan ti Agosto ket isun ti sipud na a nagpakita iti buya na, gapu ta dagiti kaykayo a nangkalupkop ti falls ket naanud.
Segun kenni Mr. Erwin Suguitan, Tourism Operations Officer II iti Vintar, iti Encantadora Falls ket saan pay nga isu ti develop a pagpasiaran gapuna ta mamonmonitor paylaeng nu masustenar ti falls iti danumna, a ditoy saan pay nga ammo nu maattianan agpatinggana inton tiempo ti tikag.
Segun met ti interview kenni Mr. Michael Leaño, agbanbantay ti Encantadora Falls, doble iti panangaprisiar ni mayorda ti nadakamat a falls agsipud ta aniaman a kiddawenda maipapan ti pagpintasanna ket annugotenna latta, kas dagiti kayak ken taltali a mabalin nga usaren dagiti mapan bumisita sadiay.
Kamaudiananna, saan laeng a buya ken pintas ti it ited ti Encantadora Falls kadagiti tattao agsipud ta iti danum na ket kumamang pay kadagiti katalunan a kasapolan met dagiti mulmula iti bumaranggay. (Joe Anne Agustin, iTraveller)
