Koronadal City—Samdan ang usa ka piniriso human kining maigo sa bala sa pusil samtang anaa kini sulod sa pasilidad sa South Cotabato Provincial Jail dihang nag warning shot sa iyang armas ang usa ka jail guard tungod sa paglapas matud pa sa pipila ka mga priso sa perimeter fence sa maong pasilidad pasado alas 3:00 sa hapon naidtong nakalabayng adlaw.
Giila ang nasamdan nga piniriso nga si Aliman Mutalib, 27, residente sa Barangay Datu Angal, Midtimbang, Maguindanao kansa nag-atubang sa kasong paglapas sa RA 9165 (Comprehensive Dangerous Drugs Act of 2002).
Samtang giila usab ang jail guard nga si Ronelio Gazo. Nasayran nga wala ginatugutan ang mga piniriso nga mahidangat lampas sa perimeter fence sa prisohan tungod posibling may mga anomaliyang himuon hinungdan nga gisita sa jail guard apan wala mituo matud pa ang mga nasangpit mao nga nag warning shot kini. Apan aksidente nga naigo si Mutalib sa iyahang tiil mao nga gilayon kining gidala sa South Cotabato Provincial Hospital. Sa karon, ginatun-an pa sa pamunuan sa South Cotabato Provincial Jail kon naay tulubagon ang jail guard human sa insidente.
(CTTO)
