Japanese mountain climber patay human sa iyang attempt sa pagkatkat sa Mount Everest.
Patay ang Japanese mountain climber nga si Nobukazu Kuriki sa ika walo na unta niya nga attempt sa pagkatkat sa Mount Everest.
Sa wala pa nahiabot ang kamatayon sa inila nga mountain climber naka post pa si Kuriki og video sa facebook kung diin mabantayan nga nag antos na kini sa sipon ug ubo. Apan mas gipili ni Kuriki nga mopadayun sa iyang attempt sa pagkatkat sa summit sa mount Everest.
Mao kini ang sulod sa post sa facebook ni Kuriki “Now I feel the pain and difficulty of this mountain. I appreciate it and I am climbing.”
Apan sa nagka grabe na ang kondisyon sa mountain climber naka desisyon kini sa pagnaug gikan sa camp 3 pabalik sa camp 2 kung diin nibigay na ang iyang lawas og gi airlift na siya pabalik sa Nepal aron ipaubos sa autopsy.
Makahinumduman nga niadtong 2012, na-amputate ang siyam ka fingertips ni Kuriki human naka survive sa pagka trap sa usa ka snow hole sa mount Everest sulod sa duha ka adlaw kung diin naa sa 20 degrees Celsius ang temperatura.
Nahimong popular si Kuriki isip Asian Mountaneer figure sa tibouk Kontenento tungod sa iyang paghatag og challenges sa iyang kaugalingon- usa na niini ang pagkatkat sa bukid nga maginusara ug walay dala nga supplemental oxygen.
