Davao City -Tungod sa padayong pagtaas sa presyo sa mga produktong petrolyo, nakita sa Transportation Franchising and Regulatory Board (LTFRB) Chairman Teofilo Guadiz III nga dako ang tyansa nga uyunan nila ang panawagan sa mga driver nga jeepney fare hike sa dili pa matapos ang tuig.
Ang maong balita gikaguol sa usa ka estudyante ug commuter nga si Mariell Juanic kay matud niya nga kung maduso gyud ang pagsaka sa pletehan basig dili na makaya niya pang i-budget ang iyang allowance tungod kay aduna pa siya’y ginabayaran nga dakong tuition sa usa ka pribadong tulunghaan.
Apan, pipila usab ka mga netizens ang nisuporta niini kay nakasabot ra pud sila nga sige og saka ang presyo sa gasolina ug dili man sad dako kaayo nga kantidad ang ginahangyong increase sa mga driver.
Gilayong hisgutan pa sa LTFRB atol sa hearing karong September 26, 2023 kung pila ang saktong rate increase sa mga jeepney nga igo ug balanse alang sa mga operators, pasahero ug driver.
RadyoMaN Ivy Parido
Facebook Comments
