Gipasabot sa Department of Labor and Employment (DOLE) nga dakong tabang ang skills training sa TESDA aron masolusyunan ang isyung job mismatch sa nasud.
Sa interview sa RMN Malaybalay ngadto kang DOLE Secretary Silvestre Bello III gibutyag niini nga nakiglambigit sila sa TESDA ug sa Commission on Higher Education kon CHED aron masolusyunan ang mao nga problema.
Mahinungdanon matud pa nga mahatagan sa “awareness” ang mga kabataan sa mga “in demand” nga trabaho nga nabagay sa kaya sa nahuman nga kurso.
Gisiguro usab sa opisyal nga padayon ang koordinasyon sa DOLE sa nagkadaiyang ahensya sa gobyerno sama sa CHED ug TESDA aron masuta ug mabantayan ang mga kursong impossibleng nang makahatag sa trabaho sa mga Pinoy sa umaabot.
Pinaagi usab sa career coaching, mas epektibong mapili sa mga estudyante ang kursong kuhaon sa kolehiyo nga pinaka-tukma sa ilang interes, kaya, batasan ug, abilidad.
Pinaagi niin mas madugangan ang mga trabahong mas ‘in-demand’ sa mga musunod nga tuig sa mga kwalipikadong aplikante maong makunhuran ang problema sa job mismatch sa nasud.
