General Santos City— Gihingusgan ni Col. Adonis Bajao, labaw sa Joint Task Force Gensan nga wala natulog ug wala nagpatulog-tulog ang otoridad sa dakbayan pamatuod niini mao ang operasyon batok sa miyembro sa Maute-Isis nga nakasulod sa dakbayan.
Sumala niya nga dili angayang mahadlok ang katawhan gumikan padayon man ang operasyon nga ginahimo sa otoridad ug wala sa dakbayan ang mga nasangpit nga mga terorista.
Apan iyahang gipa-klaro nga hugot ang ilahang ginahimo nga pagbanatay gumikan sa posibleng pagbisita sa dakbayan sa gikonsidenra g top 1 man sa Maute-Isis nga si Abu Dar sama sa gihimo ni Najib Pundog.
Nanawagan man usab si Col. Bajao sa katawhan nga dili gyud magpakatag ug mga sayop nga impormasyon aron nga dili magpanic ang katawhan sa dakbayan. Gani sila matud pa sa militar uban kapulisan ang nmagahimo ug pamaagi aron mapakalma ang katawhan.
Busa siya nag-awhag nga dili magpagawas ug sayop nga mga impormasyon hilabina sa social media
Pag-angkon ni Col. Bajao nga nagagamit gyud ug mga alyas ang nasangpit nga mga terorista ug posibleng kini maoy resulta nga sila nakalusot sa mga checkpoint. Gawas matud pa sa ilahang mga pangalan nga ginagamit, lakip sa ilahang mga ginabag-o mao ang ilahang mga itsura aron nga dili daling mailhan.
