General Santos City—padayong ginasuta karon sa Joint Task Force Gensan kung unsa ka tinuod nga naka sulod na sa syudad ang sparrow unit sa New People’s Army nga mao matud pay liquidation squad sa NPA aron nga tumbahon ang mga sundalo ug kapulisan.
Sumala pa ni Col. Adones Bajao, ang Commanding Officer sa Joint Task Force Gensan nga sa kasamtangan padayun pa nilang ginasuta kung unsa katinuod nga aduna nay mga sparrow unit sa Gensan o sa rehiyon.
Sa miabot matud pa nga impormasyon ngadto kanila nga human giwagtang ang peace talk tali sa gobyerno ug CPP-NPA-NDF gilayon nga nagmando ang ilahang mga labaw nga maghimo ug liquidation squad batok sa ilahang kalaban sa goberno.
Sa kasamtangan wala una nagkompyansa ang kasundalohan sanglit hugot nga pagbantay ang ilahang gipatuman sama nalang sa hugot nga implementasyon sa check point sa kadalanan ug pagpakusog sa ilihang intelligence monitoring.
Dugang pa ni Col. Bajao, nga wala sila naalarma sa maong impormasyon tungod kay kanunay nga naka alerto ang iyahang mga sakop ug kumpyansa usab kini sa ilahang ginapahigayong pagpatuman sa seguridad. (Dave Silagan)
