SURVEY – Indi pa ready ang kalabanan sang mga kompaniya nga magkuha sang mga trabahante nga graduate sang senior high school ukon K-12 program, suno sa resulta sang survey nga gin-conduct sa mga dalagku-an nga kompaniya sa Pilipinas.
Nahibalu-an nga kapin sa isa ka milyon ka mga senior high school ang maga-tapos sini nga bulan sang Abril sa diin ini sila ang pinaka-una nga batch nga maga-graduate sang K-12 program sang Dep-Ed.
Sa pagtu-on nga ginpatigayon sang Philippine Business for Education (PBEd), isa lang sa lima ka kompaniya ang nag-sabat nga luyag nila mag-hire ang senior high school graduate.
Ini matapos nga wala naman nagbag-o ang HR policies sang pila ka kompaniya sa diin ang minimum requirement sa haring sang mga bag-o nga empleyado amo ang college ukon university diploma.
Apang suno naman sa Philippine Chamber of Commerce and Industry (PCCI), may yara pa sang tsansa nga makuha ang mga senior high graduates apang dapat may yara sila sang ginatawag nga “21st century skills” lakip diri sang “critical thinking” kag “innovation”.
Sa karon nagapangita ang Dep-Ed sang mga private companies nga magabaton sang mga trabahante nga produkto sang K-12 program.
