Nangayo’g pasaylo ang rebelding New Peoples’ Army (NPA) sa pamilya sa duha ka mga sibilyan nga nasamdan sa ambush didto sa brgy. Amontay, lungsod sa Marihatag, Surigao del Sur niadtong nakalabyang gabie.
Giila ang duha ka mga biktima nga sila si Joel Cellares ug Silva Medrano nga parehong taga dakbayan sa Butuan, kinsa nagsakay sa Elf Truck nga karga nagkarga ug water melon gikan sa Surigao del Sur aron ibaligya dinhi sa syudad.
Gipaabot ni Ka Amiha, tigpamaba sa Front Committee 19-B sa NPA nga nasayop ang ilang tropa sa pagbanhig sa duha ka mga sibilyan kay ang mga sundalo maoy target unta sa pag-ambush.
Nipasalig si Ka Amihan nga tubagon sa NPA ang gasto sa pagpatambal sa duha ka mga biktima.
Subay niini gikompirma ni PSI Jay Allan Blasco, hepe sa Marihatag PNP nga ang truck sa DOLE Phil sang target sa mga NPA kauban ang military convoy nga nihatag ug seguridad sa truck sa kompanya.
