General Santos City–Trauma ang gidangatan sa duha ka ka mga menor de edad gikan sa kamot sa mga teroristang Maute ISIS human sila gihimong konsumo. Sa pamahayag sa duruha ka mga babaye nga silang alyas Maricar, 14 anyos, og alyas Ara, 15 anyos parihomong mga mulopyo sa Barangay Pag-Asa Alabel Sarangani Province.
Dugang pa sa duruha ka mga menor de edad nga nakaabot sila sa Marawi City human sila gipang recruit sa ilahang Barangay aron manarbaho isip mga kabatang sa Marawi City. Apan niadtong Mayo 23, 2017 human miulbo ang gyera sa Marawi anaa matud pa silang alyas Ara og Maricar sa panimalay sa ilahang agalon sa Marawi City nagtaguo- tago tungod sa grabing buto buto na sa mga armas og bomba gikan sa mga eroplano sa mga sundalo.
Apan sa dihang nagka gyera na kalit lamang matud pang gipangsulod sa mga teroristang Maute ang panimalay sa ilahang agalon sa mga nagpailang Omar Maute og Isnilon Hapilon og pugsanon silang gipang dala sa usa ka tunnel haduol sa Mosque kung asa nagtago ang mga teroristang Maute.
Didto na matud pa sila gihimong suluguon sa mga teroristang Maute sama sa pagluto og mga pagkaon, ingon man gipasuot matud pa sila og mga Uniporme sa Maute og maoy ginapabuto sa armas punterya ngadto sa mga sundalo nga anaa na sa war zone.
Dugang pa nilang alyas Ara og Maricar nga gwas sila gihimong tagluto sa mga Maute gikonsumo usab sila sa pipila ka mga lider sa terorista matag gabie. Wala matud pa silay mahimo kung asa ang pagsunod na lamang sa gusto sa mga lider sa Maute nga paglugos kanila matag gabie.
Apan niadtong Oktubre 26 lamang sila na rescue sa mga sundalo human mapatay ang lider sa mga Maute. Niadtong milabayng semana gikuha sila sa mga personahe sa Muncipal Social Welfare Office sa Alabel kuyog ang opisyal sa Alabel PNP nga si Police Senior Inspector Milky Lantingan sa mga kamot sa City Social Welfare Office sa Iligal City kung asa gipang turn over ang 2 ka mga menor de edad.
Sa pagkakaron ginapangita na sa kapulisan sa Alabel ang giingong recruiter sa duha ka mga menor de edad. (Emir Bariquit)
