Gipatas-an ngadto sa 5.7 milyon pesos ang patong sa ulo sa iladong kumander sa rebelding New Peoples’ Army (NPA) nga si Jorge Madlos, alyas Ka Oris.
Gikompirma kini ni Capt. Alvin Viernes, Civil Military Officer sa 401st Brigade Phil. Army sa interview sa RMN DXBC Butuan.
Sigun sa opisyal nga samtang nagkadugay ang panahon nga pabiling gawasnon si Ka Oris, mas midaghan pa ang nahimu niining krimen maoy hinungdan sa pagpataas sa patong sa iyang ulo.
Pinaagi usab sa dakung kantidad sa kwarta gilauman sa AFP nga madasig ang publiko sa pagsumbong sa mga otoridad kung Makita sa ilang lugar ang presensya sa iladong Kumander sa NPA.
Base sa intelligence report sa AFP gikataho nga anaa pa naglihuk sa mga probinsya sa Surigao ug Agusan si Ka Oris subay sa mga nakalabya’ng engkwentro apan aminado si Capt. Viernes nga dali ra makakita ug pamaagi aron mo-iktad sa tropa ang nasangpit nga Kumander.
[image: ka oris.png]
