Kanselado na ang nakatakda untang pagpahigayon sa Kaamulan Festival 2020 karong Marso 23 hangtod Abril 23 ning tuiga.
Sa interview sa RMN Malaybalay ngadto kang Hansel Echavez, supervising administrative officer sa Public Affairs Information and Assitance sa Provincial Government of Bukidnon gibutyag niini nga nagdesisyon si Governor Jose Maria R. Zubiri Jr. nga ikanselar ang Kaamulan tungod sa hulga sa coronavirus diseases kon COVID 2019.
Matud ni Echavez nga kagahapong adlawa pormal nga nagpagawas ug memorandum ang gobernador nga nagkanselar sa 2020 Kaamulan Festival.
Gisuta sa mao nga memorandum nga ang mao nga lakang agig pagsunod sa Department of Health advisory nga likayan ang pagtambong sa mga concerts ug ubang pang public events ug gathering ug girekomenda sa DOH ang kanselasyon sa nakahan-ay nga dagkong kalihukan.
