Dungan nga gilunsad kagahapong adlawa sa mga pulis sa Misamis Oriental ang Kabataan Kontra Droga at Terorismo o KKDAT sa Mindanao State University sa Naawan, Misamis Oriental.
Ang maong kalihukan gipangunahan ni Misamis Oriental Police Provincial Office Director, Police Colonel Rolando Destura.
Mokabat sa 600 ka mga partisipante nga gilangkuban sa Sangguniang Kabataan members sa Misamis Oriental sa pagpangulo usab ni Anthony Jason Tan, Naawan, SK Federation President ang mitambong sa maong kalihukan.
Mitambong usab sa aktibidad ang mga representante sa Local Government Units sa Naawan, Municipal Disaster Risk Reduction and Management Council, Local DILG, Municipal Advisory Council, Barangay Officials, BPATS, NGOs ug uban pang stakeholders.
Tumong sa pagmugna sa KKDAT nga makatabang ang mga kabatan-onan sa kampanya batok illegal nga druga ug terorismo.
Kini dunay temang Kabataan Bagani, Bagong Bayani.
