Gikondena sa Kabataan Partylist Northern Mindanao ang plano sa Commission on Higher Education o CHED nga magpahigayon sa mandatory drug testing sa mga unibersidad, kolehiyo ug uban pang higher educational institutions sa sunod nga academic year.
Matud ni Kabataan Partylist Northern Mindanao Coordinator, Vennel Chenfoo nga alarming kaayo ang maong plano ilabina sa Cagayan de Oro kung asa na-obserbahan ang pagtaas sa pagpamatay may kalabutan sa giyera kontra druga ning syudad.
Dili usab motoo ang Kabataan partylist sa nahitabong “nisukol maong namatay”.
Matud ni Chenfoo nga pipila sa mga state universities sa rehiyon ang padayong nangolekta og bayad bisan sa gipatumang Libreng Edukasyon ug kini ang angayng tutukan sa CHED ug dili ang dugoong giyera kontra druga.
Gidugang ni Chenfoo nga ang Martial Law sa Mindanao ug dugoong giyera kontra druga usa ka piligrong kombinasyon nga siguradong nakahulga sa kinabuhi sa mga kabataan ug katawhan sa Mindanao.
