BACOLOD CITY – Ginsangit sang isa ka 10-wheeler truck ang mga kabli sa BS Aquino Drive Extension, padulong sa Barangay Hall sang Brgy. Villamonte pasado las 5 sini nga aga.
Suno sa driver sang truck nga si Jubenalio Delbo, 39 anyos ang edad, tumandok sang Dumaguete City nga wala niya natalupangdan ang nagalay-lay nga kabli gani ini ang iya nasangit kag naghilay gid ang poste.
Ang amo nga truck ang may karga nga mantika kag buot kuntani niya ini nga iga deliver sa isa ka consignee sa area sang Hervias sa Villamonte.
Nagdulot ini sang trapiko sa lugar matapos nga gilayon nga ginsira ang area kon diin madasig man nga nag responder ang mga katapo sang Central Negros Electric Cooperative ukon CENECO./dyHB BACOLOD
Facebook Comments
