Davao City – Mokabat sa 779 ka mga partisipante ug 22 ka grupo ang nisalmot sa Dragon Boat Competition nga gipahigayon sa may Sta Ana Wharf syudad sa Davao atol sa Kadayawan sa Davao Festival 2019.
Ang mga participating dragon boat racing teams naggikan pa sa mga malagyong lugar sama sa kaulohang Manila City,Iligan, Boracay,Surigao,Cagayan De Oro, Quezon Province uguban pang kanait nga mga dapit.
Sumala ni Clarice Jane Calolot, Dragon Boat Event Organizer, ang tumong sa Dragon Boat Festival mao ang pag-promotar sa panaghiusa sa usa ka grupo ug panag-uban sa ubang partisipanti gikan sa laing lugar ug pagpromote sa syudad sa Davao:
Gipaambit usab ni Calolot ang mga detalye sa maong boat racing competition.
Base sa contest mechanics, ang mga mananaug sa matag category makadawat og tagsa-tagsa ka mga ganti.
Pananglit sa Standard Boat, ang kampyon makadawat ug P50,000.00, ang First Runner-up makadawat ug P30,000.00 ug ang 2ND Runner-up makadawat og P20,000.00.
Samtang sa Small Boat Category, ang kampyon makadawat og P20,000.00, ang 1st Runner-up makadawat ug P10,000.00 ug ang 2nd Runner up makadawat og P5,000.00.
Mientras nagpadayag usab ug reaksyon ang usa ka partisipante nga si Junarie Rose Rosario gikan pa sa Polilio Quezon, Region 4 nga miyembro sa Polilio Dragon Boat Team nga alang kaniya, mahinungdanon ang maong aktibidad nga iyang gisalmotan aron mailhan ang ilang lugar:
Samtang si Lhen Aguinaldo, ang tubong Davao nga miyembro sa Dragon Warrior contingent nagkanayon nga taas usab ang ilang nga pangandoy sa ilang grupo nga makaapil pa sila sa international races sa umaabot panahon:
Subay sa gipagawas nga datos gikan sa Kadayawan Dragon Boat Festival Committee, nasayran nga sa 200 meters sa Women Small Boat Final, ang kampyon mao ang Sag-1 Team, sa Mixed Small Boat, ang kampyon mao ang Polilio Dragon Boat team ug sa Open Small Boat, ang kampyon mao ang Bakunawa team.
Sa Mixed Standard Boat, ang kampyon mao ang Polilio Dragon Boat Team, sa Open Standard Boat, ang kampyon mao ang grupong Bakunawa samtang sa 300 Meters Women Small Boat Final, ang kampyon mao an Kujaw Tiger Dragons.
Sa Mixed Small Boat, ang kampyon mao ang Sag-1, sa Mixed Standard Boat, ang kampyon mao ang Philippine Titans, sa Open Standard Boat, ang kampyon mao ang Bugsay Marajao ug sa Open Small Boat, ang winning team mao ang Bakunawa racing contingent.
Alang sa Kadayawan 2019 Special Coverage, RadyoMan Don Pulayao, Tatak RMN!
