General Santos City— Dakong pabor si Gensan City Councilor Atty. Franklin Gacal Jr., ang chairman sa Committee On Peace And Order sa mando ni Police Chief Superintendent Marcelo Morales, ang Regional Director sa Police regional Office 12 nga ipang-relib ang tanang mga opisyal sa kapulisan nga masayrang wala naga-perform ug sakto.
Sumala niya nga wala nay rason ang matag miyembro sa kapulisan nga dili magtrabaho ug sakto gumikan mitaas na ang ilahang binulang sweldo.
Pagpaklaro niini nga kung dili masulbad sa mga opisyal sa kapulisan ang mga krimen sa ilahang area of responsibility wala nay rason aron nga magpabilin sila sa ilahang posisyon busa kinahanglan na silang ilisdan ug mga mas maayong opisyal.
Nanghinaut man usab kini nga mabantayan sa kapulisan ang siguridad sa tibuok syudad hilabi na nga una ng gikumpirma ni City Director Police Senior Superintendent Raul Supiter nga adunay bahad ang dakbayan.
